83071: सिवादीनां वाऽड्व्यवायेऽपि
================================

**Padacheda:** सिवादीनाम् | S | 6 | 3 | 

वा | S | 0 | 0 | 

अड्व्यवाये | S | 7 | 1 | 

अपि | S | 0 | 0 | 

Sutrartha
---------

****



Vasu English Summary
--------------------

The ष् change may take place optionally in the सिव् and the rest (of the last sūtra) even when the augment अ intervenes between the उपसर्ग (Prepositions)  परि , नि  and वि and the verb.

Vasu English Translation
------------------------

The ष् change may take place optionally in the सिव् and the rest (of the last sūtra) even when the augment अ intervenes between the उपसर्ग (Prepositions)  परि , नि  and वि and the verb.
The सिवादि are the four roots सिव् सह, स्तु and स्वञ्ज, as well as the augment सुट् ॥ This is an example of *ubhayatra*-*vibhasha*. In the case of स्तु and स्वञ्ज् it is *prapta*-*vibhasha*, in the case of others it is *aprapta*. The examples have already been given under the preceding *sutra*, and so need not be repeated here.

Kashika
-------

अनन्तरसूत्रे सिवुसहसुट्स्तुस्वञ्जाम् (८.३.७०) इति सिवादयः। सिवादीनामड्व्यवायेऽपि परिनिविभ्य उत्तरस्य सकारस्य वा मूर्धन्यो भवति। तथा चैवोदाहृतम्॥

Siddhanta Kaumudi
-----------------

परिनिविभ्यः परेषां सिवादीनां सस्य षो वा स्यादड्व्यवायेऽपि । पर्यसहत । पर्यषहत ।{$ {!853 रमु!} क्रीडायाम्$} । रेमे । रेमिषे । रन्ता । रंस्यते । रंसीष्ट । अरंस्त ॥	अथ कसन्ताः परस्मैपदिनः ।{$ {!854 षद्लृ!} विशसणगत्यवसादनेषु$} ॥

Balamanorama
------------

**सिवादीनां वाऽड्व्यवायेऽपि** - सिवादीनां । 'परिनिविभ्य' इति सूत्रादुत्तरमिदं सूत्रम् । तदाह — परिनिविभ्यः परेषामिति ।सिवुसहसुट्स्तुस्वञ्जा॑मिति शेषः । रमु इति । नाऽयमुदिदिति माधवः । केचित्तु उदितं मत्वाउदितो वे॑ति क्त्वायामिड्विकल्पमिच्छन्ति । अनिट्कोऽयम् । लिटि क्रादिनियमादिट् । तदाह — रेमिषे इति । अथ कसन्ता इति । 'कस गतौ' इत्येतत्पर्यन्ता इत्यर्थः । षद्लृधातुः षोपदेशोऽनिट्कश्च ।

Tattvabodhini
-------------

**सिवादीनां वाऽड्व्यवायेऽपि** - सिवादीनां । सिवुसहसुट्स्तुस्वञ्जः सिवादयः । पर्यषीव्यत् । पर्यसीव्यत् । पर्यष्करोत् । न्यष्टौत् । न्यस्तौत् । व्यष्वजत् । व्यस्वजत् । रम क्रीडायाम् । अमुमुदितं मत्वा रन्त्वा रमित्वेति केचिदुदाजह्युस्तन्माधवादयो न सहन्ते । तथा च क्त्वायां रन्त्वेत्येव साधु । रेमिषे इति । क्रादिनियमादिट् । पचाद्यचि टाप् । रमा । घञि तु  —  रामः । अमन्तत्वेन मित्त्वाण्णौ ह्यत्वः । रमयति । षद्लृ । विशरणमवयवानां विश्लेषः । अवसादनं —  नाशः ।

Padamanjari
-----------

सिवादयः प्रत्यासतेः पूर्वसूत्रे सन्निविष्टा गृह्यन्ते । अभ्यत्रविभाषेयम्, स्तुस्वञ्ज्योः'प्राक् सिताद्'  इति प्राप्ते, इतरेषामप्राप्ते ॥

Nyaas
-----

सिवादयः प्रत्यासत्तेः `सिवुसहसुट्स्तुस्वञ्जाम्`  (8.3.70)  इति पूर्वसूत्र एव सन्निनिष्टा गृह्यन्ते, न तु गणसन्निविष्टाः स्तुस्वञ्जोः `प्राक्सितादड्व्यवाये`  (8.3.63)  इति प्राप्ते, शेषाणामप्राप्ते विभाषेयमारभ्यते॥

Sutra Prayogas
--------------

* **व्यसहत** (शिशुपालवधम्): `सिवादीनां वाड्व्यवायेऽपि` इति विकल्पान्न षत्वम्।
* **पर्यस्कारि** (शिशुपालवधम्): `सिवादीनां वाड्व्यवायेऽपि` इति षत्वविकल्पः।
* **व्यषहत** (भट्टिकाव्यम्): `सहेः सिवादीनाम्` इत्यादिना विभाषा पत्वम्।