61138: समवाये च
===============

**Padacheda:** समवाये | S | 7 | 1 | 

च | S | 0 | 0 | 

Sutrartha
---------

****



Vasu English Summary
--------------------

The augment सुट् is placed before क even when सम् , परि , and उप are followed by the verb कृ and the sense being that of combining.

Vasu English Translation
------------------------

The augment सुट् is placed before क even when सम् , परि , and उप are followed by the verb कृ and the sense being that of combining.
The word समवाय means aggregation. Thus तत्र नः संष्कृतम् तत्र नः परिष्कृतम्, तत्र नः उपष्कृतम् = समुदितम् that is 'we assembled there'.

Kashika
-------

समवायः समुदायः, तस्मिंश्चार्थे करोतौ संपर्युपेभ्यः कात् पूर्वः सुडागमो भवति। तत्र नः संस्कृतम्। तत्र नः परिष्कृतम्। तत्र न उपस्कृतम्। समुदितमित्यर्थः॥

Siddhanta Kaumudi
-----------------

संपरिपूर्वस्यकरोतेः सुट् स्याद्भूषणे संघाते चार्थे । संस्करोति । अलंकरोतीत्यर्थः । संस्कुर्वन्ति । सङ्घीभवन्तीत्यर्थः । संपूर्वस्य क्वचिदभूषणेऽपि सुट् । संस्कृतं भक्षाः (SK1217) इति ज्ञापकात् । परिनिविभ्यः (SK2275) इति षः । परिष्करोति ॥ सिवादीनां वा - ॥ पर्यष्कार्षीत् । पर्यस्कार्षीत् ॥

Laghu Siddhanta Kaumudi
-----------------------

सम्परिपूर्वस्य करोतेः सुट् स्याद् भूषणे संघाते चार्थे । संस्करोति । अलङ्करोतीत्यर्थः । संस्कुर्वन्ति । सङ्घीभवन्तीत्यर्थः । सम्पूर्वस्य क्वचिदभूषणेऽपि सुट् । संस्कृतं भक्षा इति ज्ञापकात् ॥

Balamanorama
------------

**समवाये च** - समवाये च । कोरतेः सुट् स्यादिति । 'सुट् कात्पूर्वः' इत्यतो,नित्यं करोते॑रित्यतश्च तदनुवृत्तेरिति भावः ।

Padamanjari
-----------

उदाहरणेषु भावे निष्ठा। एवं समुदितमित्यत्रापि ॥

Nyaas
-----

`समवायः समुदायः` इति। समवपूर्वादिमो भावे `एरच्`  (3.3.56)  इत्यच्। समवाय इति सङ्घात्? इत्यर्थः। `समुदित इत्यर्थः` इति। भावे निष्ठा॥

Prakriyasarvasvam
-----------------

सम्पर्युपेभ्यः कृञि परे सङ्घेडर्थे सुट् स्यात् । सर्वं प्राग्वत् । सँस्कुर्वन्ति । संस्कुर्वन्ति । परिष्कुर्वन्ति । उपस्कुर्वन्ति सङ्घातीभवन्तीत्यर्थः ।