34011: दृशे विख्ये च
====================

**Padacheda:** दृशे | S | 7 | 1 | 

विख्ये | S | 0 | 0 | 

च | S | 0 | 0 | 

Sutrartha
---------

****



Vasu English Summary
--------------------

The words 1. दृशे 2. विख्ये are anomalous Vedic Infinitives.

Vasu English Translation
------------------------

The words 1. दृशे 2. विख्ये are anomalous Vedic Infinitives.
Thus दृशे विश्वाय सूर्यम् (*Rig*. I.50.1) द्रष्टुम् । विख्ये त्वा हरामि = विख्यातुम् ।

Kashika
-------

तुमर्थे छन्दसीत्येव। दृशे विख्ये इत्येतौ छन्दसि विषये निपात्येते। दृशेः केप्रत्ययः। दृ॒शे विश्वा॑य॒ सूर्य॑म् (ऋ०१.५०.१)। द्रष्टुम्। विख्ये त्वा हरामि। विख्यातुम्॥

Siddhanta Kaumudi
-----------------

द्रष्टुं विख्यातुमित्यर्थः ॥

Balamanorama
------------

**दृशे विख्ये च** - अथाशीर्लिङि विशेषमाह — लिङाशिषि ।लि॑ङिति लुप्तषष्ठीकं पदम् । तिङ्शित्सार्वधातुमित्यतस्तिङित्यनुवर्तते । तदाह — आशिषि लिङस्तिङिति । सार्वधातुकसंज्ञाऽपवादोऽयम् । ततश्च सार्वधातुकसंज्ञाकार्यं शबादि न भवति ।

Padamanjari
-----------

योगविभागश्चिन्त्यप्रयोजनः ॥

Nyaas
-----

`दृशे` इति। दृशेः केप्रत्ययः। `विख्ये` इति। विपूर्वाच्चक्षिङ ख्यातेर्वा केप्रत्ययो निपात्यते॥

Prakriyasarvasvam
-----------------

द्वौ तुमर्थौ । सूर्यं दृशे । विख्ये त्वा हरामि । विख्यातुमित्यर्थः ।