33079: अगारैकदेशे प्रघणः प्रघाणश्च
==================================

**Padacheda:** अगारैकदेशे | S | 7 | 1 | 

प्रघणः | S | 1 | 1 | 

प्रघाणः | S | 1 | 1 | 

च | S | 0 | 0 | 

Sutrartha
---------

****



Vasu English Summary
--------------------

The words प्रघणः and प्रघाण are irregularly formed meaning 'a portion of a dwelling house'.

Vasu English Translation
------------------------

The words प्रघणः and प्रघाण are irregularly formed meaning 'a portion of a dwelling house'.
Thus प्रघणः or प्रघाणः 'a porch before the door of a house, a portico'. This is formed from हन् with प्र, irregularly.

Why do we say 'when meaning a portion of a house'? Observe प्रघातः ।

Kashika
-------

प्रपूर्वस्य हन्तेः प्रघण प्रघाण इत्येतौ शब्दौ निपात्येते अगारैकदेशे वाच्ये। प्रघणः। प्रघाणः। द्वारप्रकोष्ठो बाह्य उच्यते। अगारैकदेश इति किम्? प्रघातोऽन्यः॥

Siddhanta Kaumudi
-----------------

द्वारदेशे द्वौ प्रकोष्ठावलिन्दौ आभ्यन्तरो बाह्यश्च । तत्र बाह्ये प्रकोष्ठे निपातनमिदम् । प्रविशद्भिर्जनैः पादैः प्रकर्षेण हन्यते इति प्रघणः । प्रघाणः । कर्मण्यप् । पक्षे वृद्धिः ॥

Tattvabodhini
-------------

**अगारैकदेशे प्रघणः प्रघाणश्च** - अगारैक ।प्रघाणप्रघणाऽलिन्दा बहिद्र्वारप्रकोष्ठके॑ इत्यमरः ।

Padamanjari
-----------

द्वारप्रकोष्ठो बाह्य उच्यत इति । द्वार प्रदेशे द्वौ प्रकोष्ठावलिन्दौ - आभ्यन्तरः, बाह्यश्च । तत्र बाह्यए प्रकोष्ठे निपातनम्, नागारैकदेशमात्रे । ऐतच्च निपातनाल्लभ्यते । प्रविशद्भिर्जनैः पादैः प्रकर्षेण हन्यत इति अप् कर्मणि, पक्षे वृद्धिश्च ॥

Prakriyasarvasvam
-----------------

बहिरलिन्दोऽयम् ॥